13 маусымда Қытайдағы G15 Шэньян-Хайкоу тас жолында жанармай құятын көлік жарылып, кем дегенде төрт адам қаза тауып, елуге жуық адам жарақат алды.
AFP агенттігінің Қытайдың мемлекеттік БАҚ-қа сілтеме жасап хабарлауынша, апат Чжэцзян провинциясының шығысындағы Вэньлинь қаласының маңында болған.
Автоцистернада не тасымалданып жатқаны әлі белгісіз, бірақ жарылыс соншалықты күшті болғандықтан, жақын маңдағы ғимараттардың қирауына әкеліп соқты, ал өрт бірнеше көлікті жойып жіберді.
Куәгерлердің айтуынша, жарылыс салдарынан цистернаның өзі үш және төрт қабатты ғимараттардың үстінен бірнеше жүз метрге ұшып кеткен. Оқиға орнына өрт сөндірушілер, құтқарушылар, жедел жәрдем қызметкерлері және құқық қорғау органдарының қызметкерлері келді.
