Қытай электр қуатының үзілуіне жол бермеуге тырысуда.
Қытай Австралиядан көмірге екі жылға жуық уақытқа созылған тыйым салуды алып тастауды жоспарлап отыр. Бейжің Ресейге қарсы санкциялардан туындаған энергетикалық дағдарыстың алдын алуды көздеп отыр.
Бұл туралы Bloomberg хабарлайды.
Батыстың Ресейдің энергетика саласына қарсы санкциялары толық күшіне енгеннен кейін Қытай көмірге бәсекелестіктен қорқады. Электр қуатының үзілуін болдырмау үшін Бейжің басқа елдерден көмір жеткізілімін арттырғысы келеді.
БАҚ хабарлауынша, дағдарысқа қарсы жоспардың бір тармағы - Австралиядан көмір импортын қайта бастау. Қытай Сыртқы істер министрлігінің өкілі Ван Вэньбин екі елдің сауда қатынастарын қалпына келтіруге дайын екенін растады.
Неліктен Қытай Австралия көмірін сатып алмады?
Белгілі болғандай, Австралия әлемдегі ең ірі көмір жеткізушілерінің бірі. Бұрын Австралия көмірінің ең ірі тұтынушысы болған Қытай 2020 жылдың соңында бейресми тыйым салды.
Бұл Канберра мен Бейжің арасындағы әскери шиеленістің күшеюіне байланысты болды. Сонымен қатар, Австралия Huawei компаниясының 5G мобильді желілерін салуына кедергі келтірді. Айта кету керек, тыйым тек көмірге ғана емес, сонымен қатар азық-түлік пен алкоголь сияқты басқа да тауарларға қатысты болды.
