Бұған дейін 25 құрбан болғаны белгілі болған.
Танылмаған Таулы Қарабақ Республикасының адам құқықтары жөніндегі омбудсмені Гегам Степанянның айтуынша, 19 қыркүйекте Әзербайжанның атқылауынан жиырма жеті адам қаза тапты.
Степанянның айтуынша, бұл ақпарат Степанакерт мәйітханасынан алынған. Омбудсмен қаза тапқандардың арасында екі бейбіт тұрғын болғанын атап өтті, деп хабарлайды «Коммерсант».
Оқ ату салдарынан жарақат алғандардың саны 200-ден асты. Степанян Аскеран мен Мартуни ауылдарынан әлі күнге дейін құрбандар туралы ақпарат түспегенін, себебі бұл аудандармен байланыс қалпына келтірілмегенін қосты.
19 қыркүйек таңертең Әзірбайжан Таулы Қарабақта «конституциялық тәртіпті қалпына келтіру» мақсатында «жергілікті терроризмге қарсы шаралардың» басталғанын жариялады. Күні бойы танылмаған республика жаппай атқылауға ұшырады. Армения аймақтағы шиеленіскен жағдайға байланысты Еуропалық Адам құқықтары жөніндегі сотқа шағым түсірді.
