Ресейдің Украинаға басып кіруіне жеті айға жуық уақыт өткен соң, Қытай, Үндістан және Түркия сияқты елдер Мәскеуді қолдауға құлықсыз. Самарқандта өткен ШЫҰ саммиті аясында Ресей президенті Владимир Путин қатысушы елдердің көшбасшыларымен келіссөздер жүргізді.
Үндістан премьер-министрі Нарендра Модимен кездесу кезінде Ресей президенті Киевтің келіссөздерден бас тартуы соғыстың аяқталуына кедергі келтіріп жатқанын мәлімдеді.
«Мен сіздің Украинадағы қақтығыс бойынша ұстанымыңызды, үнемі білдіріп жүрген алаңдаушылықтарыңызды білемін. Біз мұның тезірек аяқталуы үшін барлығын жасаймыз», - деді Путин Үндістан премьер-министрінің мәлімдемесіне жауап ретінде. Нарендра Моди: «Мен бүгінгі дәуір соғыстар дәуірі емес екенін білемін және мен сізбен телефон арқылы демократия, дипломатия және диалогтың бүгінгі әлемге әсері бар екенін айттым», - деді.
Путинмен келіссөздер басталмас бұрын Түркия президенті Режеп Тайып Ердоған Украинадағы соғысты дипломатиялық жолмен тез арада тоқтатуға шақырды.
АҚШ Мемлекеттік хатшысы Энтони Блинкен Бейжің мен Делидің ұстамдылығы Ресейге Украинадағы соғысты тоқтату үшін қысымның артып келе жатқанын көрсетеді деп сенім білдірді.
