Шри-Ланка астанасы Коломбода мыңдаған наразылық білдіруші полиция тосқауылдарын бұзып өтіп, президент резиденциясына басып кірді. AFP хабарлауынша, наразылық акциясына елдің экономикалық жағдайына наразылар келіп, полиция көзден жас ағызатын газ қолданды.
Наразылық акцияларының салдарынан 33 адам ауруханаға жатқызылды, оның екеуінің жағдайы ауыр. Президент Готабай Раджапакса наразылық білдірушілер келгенге дейін өз резиденциясынан шығып үлгерді.
Шри-Ланка премьер-министрі ел астанасында өтіп жатқан наразылық акцияларына байланысты партия жетекшілерінің шұғыл жиналысын шақырды.
Коломбоға елдің түкпір-түкпірінен мыңдаған наразылық білдірушілер қиын экономикалық жағдайға байланысты президенттің отставкаға кетуін талап ету үшін келді. COVID-19 пандемиясы кезінде жағдай ушығып, тиімді туризм индустриясына әсер етіп, шетел валютасы мен отын тапшылығын тудырды, деп хабарлайды indianexpress.com
Оңтүстік Азиядағы 22 миллион халқы бар арал мемлекеті Шри-Ланкада бензин мен дизель отынының, сондай-ақ азық-түлік пен дәрі-дәрмектің тапшылығы байқалады. Ел сонымен қатар рекордтық инфляцияға (2022 жылдың маусымында 54,6%) және электр қуатының ұзаққа созылған үзілістеріне тап болуда. Шри-Ланка президенті басқаруды дұрыс жүргізбеді деп айыпталды, бірақ ол отставкаға кетуден бас тартты.
Ел бойынша наразылықтар басталды. Жауап ретінде билік төтенше жағдай жариялап, алдын ала дефолт жариялады. Шри-Ланканың сыртқы қарызы 51 миллиард долларға жетті, оның 700 миллион доллары мемлекеттік мұнай-газ компаниясы Ceylon Petroleum Corporation-ға тиесілі.
