Германия канцлері Олаф Шольц Украина президенті Владимир Зеленскийге Германия Украина қауіпсіздігінің кепілі болуға дайын екенін айтты.
Бұл туралы Германия үкіметінің өкілі Штеффен Хебестрейт Берлинде өткен брифингте мәлімдеді, деп хабарлайды Reuters.
Зеленскиймен телефон арқылы сөйлескен Шольц бұл рөлді атқаруға «ортақ дайындығын» білдірді, деді баспасөз хатшысы.
Хебестрейт қауіпсіздік кепілгері рөліне әскери құрамдас бөлік те кіретіні туралы болжам жасағысы келмейтінін айтты.
Кеше Украина мен Ресей Стамбулда келіссөздер жүргізді. Киев Украинаға бейтарап мәртебе беру үшін қауіпсіздік кепілдігі бар келісімшарт ұсынып отыр. «Халық қызметшісі» фракциясының жетекшісі Арахамия кепілдіктердің күші НАТО Жарғысының 5-бабына тең болуы керек деп мәлімдеді.
Бүгін Ұлыбританияның БҰҰ жанындағы тұрақты өкілі Барбара Вудворд Ұлыбритания қауіпсіздік кепілгерлерінің бірі болуға дайын екенін мәлімдеді.
