Германия канцлері Олаф Шольц Бундестагтың Украинаға Ресеймен соғыста пайдалану үшін ауыр қару-жарақ жеткізуді мақұлдауын құптады. Ол Украинаны қолдауды жалғастыруға уәде берді.
Шольцтің сөздерін неміс басылымы Franken.de сайтында келтірді. Енді, оның айтуынша, украин әскерлері бұл қаруды пайдалануды үйренуі керек.
«Мен басқаратын үкіметтің саясатына бүгін Германия Бундестагының көрсеткен айқын қолдауы үшін өте ризамын. ... Пікірталаста қазір айқын белгі берілгені жақсы», - деді Шольц.
Басылым оның федералды үкіметтің Украина да сұрап отырған Leopard жауынгерлік танкілерін, Marder жаяу әскерлерінің жауынгерлік машиналарын немесе Panzerhaubitzen 2000 (40 шақырым қашықтыққа атуға болатын ауыр артиллерия) жеткізуді мақұлдай ма деген сұраққа жауап бермегенін атап өтті.
Бұған дейін Бундестаг Украинаға ауыр қару-жарақ жеткізуді мақұлдау үшін басым дауыспен дауыс берген болатын. Аталған дауыс беру кезінде 586 депутат ұсынысты қолдады. Жүз депутат қарсы дауыс берді, ал жетеуі қалыс қалды.
