Украина президенті Владимир Зеленский әскери қызметшілердің ең төменгі жалақысын көтеру туралы жарлыққа қол қойды. Сонымен қатар, Министрлер кабинетіне әскерилердің жалақы жүйесін жетілдіру тапсырылды.
Бұл туралы РБК-Украина президент әкімшілігіне сілтеме жасап хабарлайды.
Жарлыққа сәйкес, үкімет 2023 жылдан бастап әскери қызметшілердің ең төменгі жалақысының күнтізбелік жылдың 1 қаңтарындағы жағдай бойынша заңмен белгіленген ең төменгі жалақының екі есесінен кем болмауын қамтамасыз етуі тиіс. Бұл өзгеріс әскерге шақырылғандарға әсер етпейді.
Сонымен қатар, Министрлер Кабинеті 2022 жылдың 30 маусымына дейін Жоғарғы Радаға жетекші елдердің тәжірибесін ескере отырып, әскери қызметшілердің жалақы жүйесін жетілдіру туралы заң жобасын ұсынуы тиіс.
Жарлық жарияланған сәттен бастап күшіне енеді.
Айта кету керек, Қаржы министрлігінің жоспарларына сәйкес, украиндықтар үшін ең төменгі жалақы 2023 жылдың 1 қаңтарынан бастап 7 176 гривнаға дейін өседі. Демек, егер президенттің нұсқауы орындалса, әскери қызметкерлердің ең төменгі жалақысы 2023 жылдың қаңтарынан бастап 14 352 гривнаны құрайды.
Естеріңізге сала кетейік, қыркүйек айында Украинаның Қорғаныс министрлігі әскерилерге 1,5 миллиард гривна қарыз болған. Министрлік сол кезде мәселені жақын арада шешетініне сендірген.
