Ресейде SimCity-ге ұқсас ойын шығарылады, деп хабарлады «Известия» Ұлттық технологиялық бастаманың баспасөз қызметіне сілтеме жасай отырып. Жоба осы жазда шығарылуы жоспарлануда.
Симуляторды Дон мемлекеттік техникалық университетінің IT мамандары әзірлеуде. Ресейлік SimCity ойынында пайдаланушылар қалалар салып, тұрғындарының тағдырын бақылай алады.
«Ойыншыларға мектептер мен университеттер салу міндеті жүктеледі, себебі азаматтардың білім деңгейі қаланың қаншалықты сәтті басқарылатынына әсер етеді», - деп түсіндірді жоба жетекшісі Никита Кудрявцев.
Ойынның басты ерекшелігі - онда ЛГБТҚ кейіпкерлері болмайды. Әзірлеушілердің айтуынша, мұндай кейіпкерлердің болуы виртуалды мегаполис халқына тікелей әсер етеді.
«Ойынның дәстүрлі отбасылық құндылықтарға сәйкес келуі де өте маңызды. Біз әзірлеушілерден балаларға психикаға қауіпті танымал шетелдік ойындарға балама ұсынуды ұзақ уақыт бойы сұрап келеміз», - деп атап өтті Ресей Федерациясы Коммунистік партиясы фракциясының жетекшісі Нина Останина.
Симулятор Unreal Engine 5 платформасында жұмыс істейді. Қазіргі уақытта ойын тек компьютерге арналған, бірақ мобильді нұсқасы кейінірек шығарылуы мүмкін. SimCity ойынының орыс тіліндегі нұсқасы VK Play, Steam және Epic Games платформаларында шығарылады деп жоспарлануда.
