Латвия парламентінің мәлімдемесінде Ресей билігі Ригадағы Мәскеу үйі ғимаратын «агрессивті әрекеттерді және тарихты Кремль жақтайтын түсіндірмелерді ақтау» үшін пайдаланды делінген.
Ригадағы «Moscow House» мәдени және іскерлік орталығы Латвия мемлекетінің меншігіне берілмек. Тиісті заң жобасын Латвия парламенті мақұлдады. Бұл туралы бейсенбі, 11 қаңтарда Латвия парламентінің веб-сайтында жарияланды. Ғимарат Көлік министрлігіне беріледі.
Delfi мәліметі бойынша, заң жобасын парламенттің 70 мүшесі мақұлдады, 11-і қарсы дауыс берді, ал 9-ы қалыс қалды. Басылымның мәліметінше, ғимарат Мәскеу қалалық мүлік департаментіне тиесілі болған.
Латвия парламентінің веб-сайтында жарияланған мәлімдемеге сәйкес, Ресей Мәскеу үйін «өзінің агрессивті әрекеттерін және тарихты Кремль жақтайтын түсіндірмелерін ақтайтын үгіт-насихат тарататын сыртқы саясат құралы» ретінде пайдаланды. Парламент сонымен қатар Украинаға қарсы соғыс басталғаннан кейін де Мәскеу үйінде Ресейдің агрессивті саясатын қолдайтын іс-шаралар өткенін мәлімдейді.