Bloomberg агенттігінің хабарлауынша, Еуропалық Одақ Будапешт метросына қызмет көрсету үшін қажетті тауарларды Венгрияға жеткізуді қамтамасыз ету мақсатында Ресейге қарсы 11-ші санкциялар пакетіне 14 ерекшелік енгізеді.
Атап айтқанда, ресейлік жабдықтардың кейбір элементтері, соның ішінде қорғаныш әйнегі, бірқатар құрылғылар мен клапандар, сондай-ақ техникалық қызмет көрсету қызметтері санкциялардан босатылады.
Бұған дейін ЕО-ның Ресейге қарсы 11-ші санкциялар пакетіне шектеулерді айналып өтудің алдын алу құралы кіретіні хабарланған болатын. Бұл туралы Еуропалық комиссияның президенті Урсула фон дер Ляйен Twitter-де жариялады.
Бұған дейін ЕО Кеңесіндегі Швеция делегациясы ЕО мүше мемлекеттерінің тұрақты өкілдері Ресейге қарсы санкциялардың 11-ші пакетін қабылдауға келіскенін хабарлаған болатын. Жаңа шектеу шаралары 23 маусымға дейін бекітіліп, содан кейін ресми түрде жарияланады.
Ақпан айында қабылданған ЕО санкциялары Ресейден 87 жеке тұлға мен 34 заңды тұлғаға шектеулерді қамтиды.