66 жастағы науқас лейкемияны емдеу үшін бағаналы жасуша трансплантациясынан кейін адамның иммун тапшылығы вирусынан айықты. Sky News хабарлағандай, бұл жағдай Калифорнияда болған.
«1988 жылы маған АИТВ диагнозы қойылған кезде, басқалар сияқты, мен мұны өлім жазасы деп ойладым. Мен ешқашан АИТВ-дан арылатын күнді көремін деп ойламаппын», - деді атын атамауды қалаған бір ер адам.
Халықаралық ЖИТС қоғамының (IAS) президенті АИТВ жұқтырған науқастардағы лейкемияны емдеу үшін бағаналы жасуша трансплантациясын қолдану бұл індетті де жақын арада жеңуге болатынына «үміт пен шабыт беретінін» айтты.
