НАТО-ның бас хатшысы Йенс Столтенберг Украина өзін-өзі қорғау мақсатында өз аумағынан тыс жердегі Ресей әскери нысандарына шабуыл жасауға құқылы деп санайды.
«Ел шекарасынан тыс жердегі заңды әскери нысандарға соққы беру өзін-өзі қорғаудың заңды құқығының бір бөлігі», - деді Столтенберг Финляндия президенті Александр Стаббпен бірлескен баспасөз мәслихатында.
2023 жылдың қазан айында АҚШ Мемлекеттік хатшысы Энтони Блинкен Америка Құрама Штаттары Киевтің Украинадан тыс жерлерге шабуыл жасауын ешқашан қолдамағанын мәлімдеді. Дегенмен, ол «бұл негізінен Украина қабылдауы тиіс шешімдер» екенін нақтылады.
Сәуірдің басында Блинкен Вашингтонның Ресей аумағына Украинаның шабуылдарын қолдамайтынын және оларды ұйымдастыруға көмектеспейтінін қайталады. Бұл оның Ресей мұнай өңдеу зауыттарына шабуылдар Украина үшін дұрыс стратегиялық қадам ба деген сұраққа жауабы болды.
