Украинаға толық ауқымды басып кіру басталғаннан бері Ресей күштері 1370 зымыран атқан. Сонымен қатар, оқ ату мен әуе шабуылдары кезінде 148 бала қаза тапқан.
Қорғаныс министрлігінің мәліметі бойынша, Ресейдің агрессиясының салдарынан 10 миллионнан астам украиндық үйлерін тастап кетуге мәжбүр болды. Соғыс басталғаннан бері басқыншылар Украинаның 15 әуежайын да қиратты.
«Басқыншылар күн сайын қатыгездік жасайды. Біз Путиннің қылмыскерлерін кешірмейміз!», - делінген агенттіктің мәлімдемесінде.
Естеріңізге сала кетейік, БҰҰ Ресейдің Украинадағы соғыс қылмыстарын тергеу үшін комиссия құрды. Комиссия құрамына БҰҰ Адам құқықтары кеңесінің төрағасы Федерико Вильегас тағайындаған үш сарапшы кіреді.
Бұған дейін Ұлыбританияның БҰҰ-дағы тұрақты өкілі Барбара Вудворд Ресейдің Украинаға қарсы соғысы бүкіл әлемде аштық тудыруы мүмкін екенін мәлімдеген болатын.
