Беларусь кез келген сыртқы агрессияға тойтарыс беруге дайын, деп мәлімдеді президент Александр Лукашенко Ресей қорғаныс министрі Сергей Шойгумен кездесуде. Қорғаныс министрі Минскіде беларусьтік әріптесі Виктор Хренинмен жаңартылған әскери-техникалық ынтымақтастық туралы келісімге қол қойды.
Батыс сарапшылары Мәскеу Минскіге қысым жасауды жалғастырып жатқанын айтады, бірақ ел ішіндегі жағдайға байланысты Беларусьтің соғысқа тікелей араласуы өте екіталай деп санайды.
Екі жақтың да айтуынша, майдандағы жағдай салыстырмалы түрде тұрақты. Сенбі күні кешке Ресей күштері Донецк облысындағы Краматорск өнеркәсіптік аймағына зымыран соққысын жасады. Мәскеу зымырандардың шетелдік жалдамалылар тұратын жерлерге тигенін мәлімдеді.
Шығыс Украинадағы ең шиеленіскен аймақ Бахмут болып қала береді, оны Ресей әскерлері жаздан бері сәтсіз басып алуға тырысып келеді.
