Ресейлік оккупанттар Херсон және Запорожье облыстарында «референдумдар» өткізу үшін сайлау комиссияларын құрып жатыр.
«Әкімшіліктің» өкілі Владимир Рогов Запорожье облысын аннексиялау бойынша «референдум» өткізу үшін сайлау комиссиясын құру туралы жарлыққа қол қойылғанын хабарлады.
Сонымен қатар, бүгін Херсон аймағындағы басқыншылардың да осындай шешім қабылдағаны белгілі болды.
Meduza дереккөздерінің хабарлауынша, Украинаның оккупацияланған аумақтарындағы «референдумдар» 2022 жылдың 11 қыркүйегіне жоспарланған.
Естеріңізге сала кетейік, Bloomberg агенттігінің мәліметі бойынша, Ресей президенті Владимир Путин 15 қыркүйекке дейін «референдумдар» өткізуге асығып жатыр.
