Президент кеңсесі басшысының кеңесшісі Михаил Подоляк Ресейдің жаппай қырып-жою қаруын қолдануын күтудің қажеті жоқ екенін мәлімдеді. Ол халықаралық қауымдастық алдын алу шараларын қабылдауы керек деді.
«Ресей жаппай қырып-жою қаруын қолдануы мүмкін. Әлем ядролық немесе химиялық қарудың қолданылуын күтпеуі керек екенін, керісінше, Ресей басшылығына салдары болатынын алдын ала хабарлауы керек екенін түсінуі маңызды», - деді Подоляк.
Баспасөз хатшысы мұндай шараларға Ресейдің ядролық қаруды бақылау орталықтарына алдын ала соққылар жасау кіруі мүмкін екенін мойындады.
Естеріңізге сала кетейік, Америка Құрама Штаттары Ресейдің Украинаға қарсы соғыста тактикалық ядролық қаруды қолдану мүмкіндігін жоққа шығарған жоқ. Дегенмен, Вашингтон бұған дайындық әзірге байқалмағанын атап өтті.
Айта кету керек, Украина президенті Владимир Зеленский Ресейдің ядролық қаруды қолдануы екіталай деп санайды.
