Baza және Astra Telegram арналары жұма, 14 қазанда хабарлағандай, Украинамен шекаралас Белгород облысында оқ-дәрі қоймасындағы жарылыстан үш «Росгвардия» сарбазы қаза тауып, 14 адам жарақат алды.
Baza бірнеше адамның қаза тауып, 14 адамның жарақат алғанын хабарласа, Astra үш адамның қаза тауып, оннан астам адамның жарақат алғанын хабарлады.
Кремльшіл «Military Observer» арнасы мен жергілікті БАҚ та үш адамның қаза тапқаны туралы хабарлады.
Ресей тергеу комитеті қаза тапқандар мен жараланғандардың санын нақты сандарсыз хабарлады.
«Украина Қарулы Күштерінің атқылауы нәтижесінде Белгород ауданындағы Октябрьский ауылында оқ-дәрі қоймасы жарылған. Алдын ала мәліметтер бойынша, қаза тапқандар бар», - делінген Тергеу комитетінің мәлімдемесінде.
Облыс губернаторы Вячеслав Гладков сонымен қатар Белгород облысының үстінен атып түсірілген зымыранның қалдықтары Новооосколь ауданындағы электр желілеріне зақым келтіргенін хабарлады. «Бүгін таңертең біздің әуе қорғаныс күштеріміз Новоосколь ауданының маңында зымырандарды ұстап алды. Қалдықтары теміржолдың жанына құлады. Электр желілері зақымдалды. Пойыз қатынасы уақытша тоқтатылды», - деді губернатор.
