Ресей жаудың ядролық соққысына жауап ретінде ауқымды ядролық соққыны жаттықтыру жаттығуларын өткізді. Жаттығуды Ресей президенті Владимир Путин басқарды, деп хабарлады Кремльдің баспасөз қызметі.
«Жаттығу барысында баллистикалық және қанатты зымырандардың тәжірибелік ұшырылымдары жүзеге асты», - делінген Кремльдің мәлімдемесінде.
Плесецк сынақ ғарыш айлағынан Камчаткадағы Кура сынақ полигонына қарай Ярс құрлықаралық баллистикалық зымыраны, ал Баренц теңізіндегі Тула ядролық қозғалтқышы бар баллистикалық зымыран сүңгуір қайығынан Синева баллистикалық зымыраны ұшырылды. Жаттығуға Ту-95МС алыс қашықтыққа ұшатын ұшақтары қатысып, қанатты зымырандарды ұшырды. Ресей Қорғаныс министрлігі ұшырулардың видеосын жариялады.
Кеше Ресей Федерациясының Федерация Кеңесі Ядролық сынақтарға жаппай тыйым салу туралы шартты ратификациялаудың күшін жою туралы заңды мақұлдады.
Ядролық сынақтарға жаппай тыйым салу туралы шарт 1996 жылы БҰҰ Бас Ассамблеясымен қабылданды. Онда шарттың күшіне енуі үшін оны ратификациялауы тиіс 44 ел көрсетілген. Ресей оны ратификациялады, бірақ АҚШ пен Қытай ратификацияламады.
2023 жылдың ақпан айында Путин егер Америка Құрама Штаттары ядролық қарудың жаңа түрлерін сынаса, Ресей де солай істейтінін мәлімдеді. Қазан айында Валдай талқылау клубында сөйлеген сөзінде Путин ядролық қуатпен жұмыс істейтін «Буревестник» зымыранын сынақтан өткізетінін жариялады.
