Ресей Сыртқы істер министрлігі: Ресей Мәскеудегі Украина елшілігінің ғимаратын өзгеріссіз қалдырады.
Ресей қазіргі Дипломатиялық қатынастар туралы Вена конвенциясына байланысты Мәскеудегі Украина елшілігінің ғимаратын өзгеріссіз қалдырады. Бұл туралы Ресей Сыртқы істер министрлігінің ТМД елдері жөніндегі екінші департаментінің басшысы Алексей Полищук мәлімдеді.
«Мәскеу қаласының жерді жалға беру туралы келісімді бұзуы Украинаның мемлекеттік меншігі болып қалатын елшілік ғимаратының өзінің қол сұғылмаушылығына әсер етпейді», - деді Алексей Полищук ТАСС агенттігіне. Ол Вена конвенциясына сәйкес, тараптар әскери қақтығыс жағдайында да миссияның үй-жайларын, оның мүлкі мен мұрағатын құрметтеуі және қорғауы керек екенін атап өтті. Бұл Украинадағы Ресей елшілігінің ғимаратына да қатысты.
Ресей Сыртқы істер министрлігінің өкілі Мария Захарованың айтуынша, Украина елшілігінің жерді жалға беру туралы келісімі ақпан айының басында бұзылған. Ол Киевтің бұрын Ресей жалға алған жер учаскесіне қатысты да солай істегенін нақтылады.
