Ресей президенті Владимир Путин Украинаның оңтүстігіндегі және шығысындағы Херсон және Луганск облыстарының оккупацияланған бөліктеріне барды. Онда ол әскер топтарының командирлері мен басқа да әскери басшылардың есептерін тыңдады, деп хабарлады Кремльдің баспасөз қызметі.
Мәлімдемеде сапардың қашан болғаны айтылмаған, бірақ Кремль басшысы Херсон және Луганск облыстарындағы әскери қызметшілерді Пасха мерекесімен құттықтап, оларға «белгілердің көшірмелерін» сыйға тартқаны айтылған.
Ресей президентінің бұл сапарлары бұрын жарияланбаған болатын.
2023 жылдың наурыз айында Путин Украинадағы Ресей агрессиясы басталғаннан бері алғаш рет аннексияланған Мариупольге барды.
