Ресей президенті Владимир Путин биыл дәстүрлі жыл соңындағы баспасөз мәслихатын өткізбейтінін Кремль дүйсенбі, 12 желтоқсанда хабарлады.
«Үлкен баспасөз мәслихатына келетін болсақ, иә, Жаңа жылға дейін ондай болмайды», - деді Кремльдің баспасөз хатшысы Дмитрий Песков дүйсенбі, 12 желтоқсанда.
Ол Путиннің баспасөзбен үнемі байланыста болатынын, соның ішінде шетелдік сапарлар кезінде де байланыста болатынын қосты.
Песков жыл сайынғы дәстүрдің биыл неліктен бұзылғанын түсіндірмеді.
Ресейде 2000 жылдан бері билікте келе жатқан Путин әр желтоқсанда дерлік үлкен баспасөз мәслихатын өткізіп, журналистер мен қоғам өкілдерінің сұрақтарына жауап береді. Іс-шара әдетте бірнеше сағатқа созылады.
Өткен жылы әңгіме төрт сағаттан астам уақытқа созылды.
Бұрын баспасөз мәслихатын өткізу немесе өткізбеу туралы шешім Украинаға қарсы соғыстағы жағдайды ескере отырып қабылданатыны хабарланған болатын.
