Приморск өлкесінің спортшысы Дмитрий Якухний өзін-өзі оқшаулап, Сахара шөлі арқылы ультрамарафонға дайындалып, төсегінде 100 шақырым қашықтықты 10 сағатта жүгіріп өтті.
Якухний сәуір айында 250 шақырымдық шөл марафонына қатысуы керек болғанын, бірақ коронавирусқа байланысты ол кейінге қалдырылғанын атап өтті.
«Мен үйде өзін-өзі оқшаулауды сақтай отырып, төсегімнің айналасында 100 шақырым жүгіруді шештім», - деді ол РИА Новостиге.
Спортшының айтуынша, ол марафонға тоғыз ай бойы дайындалып, күшін сынап көруді шешкен.
«Бүкіл отбасы бастаманы қолдады. Балалар біраз жүгірді, ал әйелім бәрін түсіріп, тамақ пісірді», - деді Дмитрий.
Ол үйдегі марафонының он сағатқа жуық уақытқа созылғанын және көршілерінің түсіністікпен қарағанын қосты. Музыка және апельсин мен бананнан тұратын пайдалы тамақтану оған қашықтықты жеңуге көмектесті.
«Әдетте, 35 және 75 шақырымдарда «қабырға» болады — көмірсулардың жетіспеушілігі — бірақ мен кестеге сәйкес тамақтанып, сусын ішуге тырыстым», — деп түсіндірді Дмитрий.
