Ресейде мигранттарға бақылауды күшейтетін жаңа заң 5 наурыздан бастап күшіне енеді, деп хабарлайды .
Жаңа ережелерге сәйкес, полиция қызметкерлеріне депортациялануға жататын шетелдік азаматтар болуы мүмкін үй-жайларға ордерсіз кіру құқығы беріледі.
Сонымен қатар, құқық қорғау органдарының қызметкерлері мигранттарды іздеу үшін ұялы телефон деректерін, геолокацияны және бет-әлпетті тану жүйелерін қоса алғанда, электрондық құрылғыларды пайдалана алады. Жаңа тәртіп заңсыз мигранттарға елде болу кезінде көмек көрсететін заңды тұлғаларға да қолданылады.
Заңда визасыз келетін шетелдіктердің Ресейде уақытша болу мерзімі 180 күндік мерзім ішінде 90 күнмен шектелетіні белгіленген. Елде заңсыз жүргендер үшін арнайы бақылау режимі және құқықтарды шектеу енгізілген, соның ішінде жылжымайтын мүлікпен мәміле жасауға, көлік жүргізуге және несие алуға тыйым салынған.
Сондай-ақ, мигранттар туралы деректерді, соның ішінде банк шоттары мен қаржылық операциялар туралы ақпаратты тексеру үшін мемлекеттік органдар арасындағы ақпарат алмасуды жақсарту шаралары қарастырылуда.
Бұл шаралар миграцияны федералды бақылауды күшейтуге және Ресейде заңсыз болудың алдын алуға бағытталған.
