Нидерланды парламенті көптеген компаниялардың қызметкерлеріне үйден жұмыс істеу құқығын беретін заңды мақұлдады.
BBC хабарлағандай, бұл прецедент Еуропалық Одақ бойынша еңбек заңнамасына өзгерістер енгізуге түрткі болады деп күтілуде.
Заң ақыры қабылданбас бұрын, оны ел Сенаты да мақұлдауы керек. Егер бұл орын алса, Нидерланды қашықтықтан жұмыс істеуді заңдастырған әлемдегі алғашқы ел болады. Сарапшылар көптеген ЕО елдерінде «еңбек революциясы» болатынын болжап отыр. Германия билігі осыған ұқсас бастаманы енгізетінін жариялады.
Қашықтан жұмыс істеу жобасының авторлары еуропалық D-66 партиясының өкілі Стивен Ван Винберг және Сенна Маатук (Жасыл партия) болды.
Парламент мақұлдаған заң жобасында кез келген қызметкер жұмыс орнында физикалық тұрғыдан болуы міндетті болмаған жағдайда жұмыс берушіден үйден жұмыс істеуді сұрай алатыны көрсетілген. Жұмыс берушілер бұл өтінішті қарастыруға міндетті.
Карантиннен кейін көптеген әлемдік компаниялар қызметкерлерін гибридті кестеге ауыстыра бастағаны, бұл оларға аптаның бір бөлігінде үйден жұмыс істеуге мүмкіндік бергені атап өтілді. Бұл инновацияның алғашқы бастамашыларының қатарында швейцариялық UBS банкі және Францияның ең ірі банкі BNP Paribas бар.
Естеріңізге сала кетейік, Исландия мен Ұлыбритания бұған дейін төрт күндік жұмыс аптасына көшуді сынақтан өткізген болатын, бұл жұмыс сапасы мен мотивацияны жақсартуы тиіс.
