Молдова президенті Еуропалық Одаққа қосылу туралы өтінішке қол қойды. Өтініш Франция президенті Эммануэль Макронға жолданды.
Бұл туралы Сандудың 3 наурыздағы брифингіне сілтеме жасай отырып, РБК-Украина хабарлады.
Молдова президенті Майя Сандудың айтуынша, Еуропалық Одаққа кіру туралы өтініш бірнеше күн ішінде Брюссельге жеткізіледі.
«Біз сабақ алдық және болашағымызға жауапкершілікті өз мойнымызға алып жатырмыз. Құрметті азаматтар, кейбір шешімдер уақытты қажет етсе, басқалары тез және батыл қабылдануы керек. Жағдай талап еткен кезде шұғыл әрекет етуіміз керек.
Бүгін біз Молдованың ЕО-ға мүшелікке өтініміне қол қойып жатырмыз. Ол қазіргі уақытта ЕО Кеңесіне төрағалық ететін мемлекет басшысы, Франция президенті Эммануэль Макронға жолданған.
«Молдованың айқын еуропалық жолы болуы керек. Біз қандай қадамдар жасау керектігін білеміз және іс-қимыл жасауға дайынбыз. Молдова азаматтары үшін бейбіт және гүлденген болашақ құру үшін барлық кезеңдерді біртіндеп аяқтаймыз», - деді Санду.
