Молдова Парламенті 21 мамырда «Еуропалық Молдова» Ұлттық Ассамблеясында қабылданған еуропалық интеграция процесінің қайтымсыздығы туралы қарарды мақұлдады. Құжатты елу бес депутат қолдап дауыс берді. Заң шығарушы органның қарарында парламенттің қабылданған қарарды толық қолдайтыны айтылған.
Азаматтық қоғам, пікір көшбасшылары, парламенттік және парламенттен тыс партиялар қарар талаптарын және Молдова Еуропалық Одаққа қосылуға өтініш берген кезде қабылданған міндеттемелерді сөзсіз қолдауға шақырылады.
«Еуропалық интеграцияның және ЕО-ға қосылудың қайтымсыздығы Молдова үшін ұлттық басымдыққа ие жоба деп жарияланды және барлық саяси күштерді қоса алғанда, бүкіл қоғам ұлттық мүдде – Молдованың Еуропалық Одаққа қосылуы үшін саяси және әлеуметтік диалогты нығайту үшін жетілу, бірлік және ынтымақтастық танытуға шақырылады», – делінген парламенттік қарарда.
21 мамырда Кишиневте «Еуропалық Молдова» Ұлттық Ассамблеясы өтті. Митинг соңында қатысушылар Молдованың Еуропалық Одақтың толыққанды мүшесі болуға деген ұмтылысы туралы қарар қабылдады. Қарарда Еуропалық Одаққа қосылу «Молдованың дамудың жалғыз мүмкіндігі» екені айтылған.
