Бастама жеті тармақтан тұрады.
Ресей Қауіпсіздік Кеңесі төрағасының орынбасары Дмитрий Медведев өзінің Telegram арнасында Украинадағы жағдайды шешудің өзіндік жолын ұсынды. Ол Киевтің келіссөздер жүргізуге еркі жоқ екенін мәлімдеді. Медведевтің айтуынша, қақтығысты тоқтатудың жалғыз жолы - Ресейдің жеті тармақтан тұратын «бейбітшілік формуласы» бастамасы.
Осылайша, бұл Киевтің толық және сөзсіз тізе бүгуін, демилитаризацияны және Украина аумағында әскерилендірілген құрамаларды құруға тыйым салуды білдіреді.
Сонымен қатар, Медведевтің нұсқасы БҰҰ-ның Украинаның халықаралық құқықтық субъектілігін жоғалтуын және Ресейдің келісімінсіз әскери одақтарға қосылудың мүмкін еместігін мойындауын, оның аумағындағы барлық үкімет органдарын БҰҰ бақылауымен «мәжбүрлі түрде денацизациялауды» жүзеге асыруын және БҰҰ қамқорлығымен уақытша парламентке сайлау өткізуді болжайды.
Медведев сондай-ақ Ресей азаматтарының өлімі мен аймақтарға келтірілген залал үшін өтемақы төлеу туралы заңдар қабылдау керек деп санайды. Қауіпсіздік Кеңесі төрағасының орынбасарының жоспарында бүкіл Украинаны Ресеймен қайта біріктіру де қарастырылған.
