Беларусь президенті Александр Лукашенконың Associated Press агенттігіне берген сұхбатында Беларусь армиясының жедел жаттығулары, Украинадағы соғыс, Минскінің ұстанымы және Ресей президенті Владимир Птуинмен қарым-қатынасы туралы сұрақтар көтерілді. Сұхбатты AP вице-президенті Ян Филлипс жүргізді.
Лукашенко соғыс туралы былай деді:
«Шынымды айтсам, бұл операция соншалықты ұзаққа созылады деп ойламаппын. Бірақ мен істердің жоспар бойынша, олар айтқандай немесе менің сезімім бойынша жүріп жатқанын айта алатындай бұл іске соншалықты беріліп кеткен жоқпын. Тағы да атап өтемін: менің ойымша, бұл операция созылып кетті».
Лукашенко сонымен қатар бұл соғыста ядролық қаруды қолданудың гипотетикалық мүмкіндігі туралы пікірін білдірді.
«Ядролық қаруды қолдану да қабылданбайды, себебі ол дәл осы жерде. Дәл осы жерде емес, бірақ Америка Құрама Штаттары сияқты шетелде емес. Бұл да қабылданбайды, себебі ол біздің планетамызды орбитадан толығымен шығарып жіберуі мүмкін, бізді қайда ұшырып жіберуі мүмкін. Сондықтан ядролық қаруды және тағы басқаларды қолдану қабылданбайды. (...) Ресей мұны істей ала ма, жоқ па, сіз бұл сұрақты Ресей басшылығынан сұрауыңыз керек».
Лукашенко бұған дейін Ресейдің Украинадағы әрекеттерін ашық түрде қолдап, наурыз айының басында Ресей президентімен кездесуінде Киевтің Беларуське шабуыл жасауды жоспарлағанын, бірақ Мәскеудің бұған жол бермегенін мәлімдеген.
Ресей әскери жаттығулар желеуімен Беларуське әскерлерін орналастырды, содан кейін 24 ақпанда басталған басып кірудің бір бөлігі ретінде оларды Украинаға жіберді.
