Литвада Bayraktar дронын сатып алып, оны Украина Қарулы Күштеріне сыйға тарту үшін краудфандинг науқаны басталды. Laisvės TV арнасының танымал литвалық журналисі Андриус Тапинас Bayraktar TB2 әскери дронын сатып алу үшін краудфандинг науқанын бастады.
«Литва мен Түркияның Қорғаныс министрліктері рұқсат берді, ал өндіруші келісті. Енді менің ойымда бір сөз шырылдап тұр: Байрактар», - деп жазды журналист өз оқырмандарын қайырымдылық жасауға шақырып.
Тапинастың айтуынша, Laisvės TV Украинаны қолдауға арналған бұрынғы науқандардан қалған 62 000 еуроны бөледі.
Литва халқының саны 3 миллионнан аз, ал Bayraktar 5 миллион еуро тұрады. Науқанның мақсаты - үш апта ішінде қажетті соманы жинау. Небәрі сегіз сағат ішінде литвалықтар миллионнан астам қаражат жинады.
Сағат 22:30-дағы жағдай бойынша, шотта 1 147 253 еуро бар еді.
«Біздің Байрақтарымыз жеңілмейтін Украинаның үстінде көтерілсін. Бұл Литва мен Украинаның қылыштарын бірге суыратын уақыты болсын. Қаһар уақыты! Кек алу уақыты! Қызыл таң уақыты!», - деп жазды Тапинас.
