Украинаны қалпына келтіру форумы биыл күзде Францияда өтеді.
Бұл туралы РБК-Украина Украина президенті Владимир Зеленскийдің Француз кәсіпкерлері қозғалысына (MEDEF) үндеуінде айтқан сөзіне сілтеме жасай отырып хабарлады.
«Біздің үкіметтеріміз, Украина және Франция деңгейінде біз осы күзде Парижде осындай бастаманы – Украинаны қалпына келтіру форумын өткізуге дайындалып жатырмыз. Мен сіздердің компанияларыңызды осы бастамаға қатысуға шақырамын», - деді ол француз кәсіпкерлеріне қарата сөйлеген сөзінде.
Естеріңізге сала кетейік, бұған дейін Еуропалық Комиссия Украинаға инвестиция тарту үшін халықаралық платформаны іске қосуды ұсынғаны хабарланған болатын.
Сондай-ақ шілде айында Украина батыстық серіктестеріне елдің қалпына келуінің 10 жылдық жоспарын ұсынды.
