Песков мессенджерді террористер белсенді түрде пайдаланып жатқанын мәлімдеді.
Кремль Telegram иесі Павел Дуровпен байланысқа шықты. Ресей президентінің баспасөз хатшысы Дмитрий Песков Shot басылымына хабар алмасу қосымшасын террористер белсенді түрде пайдаланып жатқанын айтты.
«Біз Павел Дуровтан көбірек көңіл бөлуді күткен едік. Өйткені біздің ұрпақтың көз алдында өскен бұл бірегей және технологиялық тұрғыдан керемет ресурс террористердің қолындағы құралға айналып барады», - деп атап өтті Песков.
Сонымен қатар, президенттің баспасөз хатшысы қазіргі уақытта Ресей Федерациясында Telegram-ды бұғаттау жоспары жоқ екенін атап өтті.
Естеріңізге сала кетейік, 2018 жылы Мәскеудің Таган соты Роскомнадзордың талап арызы бойынша мессенджердің жұмысын Ресейде бұғаттауға бұйрық берді. Алайда, екі жылдан кейін, 2020 жылдың маусымында Роскомнадзор Telegram-ға кіруге қойылған шектеулерді алып тастады.
