Миланнан келген жас жігіт Ресейде коронавирустың «нөлдік пациенті» атанды. Бұл туралы сайтына Н.И. Пирогов атындағы Ресей ұлттық зерттеу медициналық университетінің госпитальдық терапия кафедрасының меңгерушісі және Ресей ғылым академиясының академигі Александр Чучалин мәлімдеді.
Ол Қытайда жаңа коронавирусты алғаш анықтаған доктор Ли Вэнлянды мысалға келтірді. Өкінішке орай, доктор Лидің өзі жұқтырып, қайтыс болды. Ресейде нөлдік пациент 40 жастағы Субботин есімді ер адам болды. Ол Миланнан келді. Инфекция 27 ақпанда анықталды. «Коммунаркадағы мамандандырылған аурухананың бас дәрігері Денис Николаевич Проценко екеуміз оған диагноз қойып, емдеуді тағайындадық. Біз асқынулардың өте ерте дамып келе жатқанын байқадық», - деді Чучалин. Ол Субботиннің Ресейде коронавирустан айығып кеткен алғашқы адам болғанын түсіндірді.
Академик Субботиннің отбасы мүшелерінің – әкесі мен анасы – да ауырып қалғанын қосты. «Әкесі жасанды тыныс алу аппаратына қосылған, бірақ анасы ондай болған жоқ. Олар қарт. Әрине, олардың ауруы ауырлау», – деп түсіндірді Чучалин.
