Копенгагендегі Fields сауда орталығында атыс болды. Ресми тұлғалар қаза тапқандар бар екенін мәлімдеді. Полиция ешқандай мәлімет жарияламай отыр.
Алдын ала мәліметтер бойынша, бірнеше адам жарақат алды, ал атыс жасағандардың бірі қамауға алынды. Оқиға орнында көптеген құқық қорғау органдарының қызметкерлері жұмыс істеп жатыр.
Сауда орталығына апаратын жолдар, сондай-ақ оны қала орталығымен байланыстыратын метро желісі жабылды. Оқиға орнына жедел жәрдем көліктері мен өрт сөндірушілер келді.
Копенгаген мэрі Софи Хесторп Андерсен оқиғаға алаңдаушылық білдірді.
«Біз әлі қанша адамның жарақат алғанын немесе қаза тапқанын нақты білмейміз», бірақ жағдай «өте күрделі», - деп жазды мэр.
Field's сауда орталығы Амагер аралында орналасқан. Бұл аймақ астананың орталығы мен Каструп халықаралық әуежайының арасында орналасқан.
