Испания билігі 2022 жылдың қыркүйегінде алғаш рет енгізілген Renfe ұлттық пойыз желісінде тегін жүруді кем дегенде 2023 жылға дейін ұзарту туралы шешім қабылдады.
Бұл туралы The Independent басылымы Испания қаржы министрі Мария Хесус Монтероның мәлімдемесіне сілтеме жасай отырып хабарлайды.
Министр бұл науқанды қаржыландыруға 700 миллион доллар бөлінгенін мәлімдеді.
Оның айтуынша, тегін пойызбен жүрудің енгізілуі көптеген испан азаматтарына зиянды шығарындыларды азайту үшін қоғамдық көлікке ауысуға көмектесті.
«Біз бұл саясатты құрылымдық саясатқа айналдыруды көздеп отырмыз және қоғамдық көліктен CO2 шығарындыларын азайтуда нақты нәтижелер көреміз. Бұл алдағы жылдарға арналған басымдықты саясат», - деді министр.
Айта кету керек, болашақта ЕО қоршаған ортаны қорғау бастамасына байланысты Испанияда әуе тасымалы құнының өсуі туралы әңгімелер жүріп жатқанда, пойызбен саяхаттау ұшуға балама бола алады.
