Украина президенті Владимир Зеленский Соғыстан кейінгі қалпына келтіру жөніндегі ұлттық кеңес құрды. Мемлекет басшысы тиісті жарлыққа қол қойды.
Президенттің №266/2022 Жарлығымен Ұлттық кеңестің құрамы белгіленеді және Министрлер Кабинеті екі апта ішінде ақпараттық-талдамалық қолдау көрсететін органды анықтауды тапсырады.
Ұлттық кеңестің құрамына мыналар кіреді:
- Президент Әкімшілігінің Басшысы және оның орынбасарлары
- Жоғарғы Раданың барлық комитеттерінің басшылары;
- Премьер-Министрдің орынбасарлары және барлық министрліктердің басшылары.
Ұлттық кеңестің негізгі міндеттері:
- соғыстан кейінгі елді қалпына келтіру және дамыту бойынша іс-қимыл жоспарын әзірлеу;
- соғыс және соғыстан кейінгі кезеңдердегі реформалар бойынша ұсыныстар әзірлеу;
- стратегиялық бастамаларды дайындау.
Естеріңізге сала кетейік, Еуропалық Одақ Украинадағы соғыстан кейінгі қалпына келтіру шығындарының басым бөлігін жабуды көздеп отыр.
Зеленский бұған дейін Халықаралық валюта қорының басқарушы директоры Кристалина Георгиевамен Украинаның соғыстан кейінгі қалпына келуін талқылаған болатын.
