Қара теңіздегі Змейный аралынан Ресей әскерлерінің шығарылғаны жаңа спутниктік суреттермен расталды.
Нақтырақ айтқанда, спутниктік суреттерде Змейноенің солтүстік бөлігіндегі аудандарда жанып жатқан көліктер мен ғимараттардан шыққан түтін көрсетілген. Фотосуреттер Ресей бүгін аралдан өз гарнизонын шығаратынын жариялағаннан кейін пайда болды.
Естеріңізге сала кетейік, бүгін Ресей Қорғаныс министрлігі гарнизонның аралдан «ізгі ниет белгісі» ретінде кеткенін хабарлады. Бұл Ресейдің Украинадан астық экспортына арналған гуманитарлық дәліз құру жөніндегі БҰҰ күш-жігеріне кедергі келтірмейтінін көрсету үшін жасалған.
Бірақ украин нұсқасы бойынша, жау Украина Қарулы Күштерінің зымырандық және артиллериялық бөлімшелерінің позицияларына кезекті шабуылынан кейін гарнизонның қалдықтарын эвакуациялады.
