Жаңа Зеландияда қорқынышты оқиға болды. Аукционнан сатып алынған чемодандардан адам сүйектері табылды. Полиция қылмыстық тергеу бастады, деп хабарлайды BBC.
Оқиға өткен бейсенбіде Оңтүстік Оклендте болды. Бір отбасы аукционнан бірнеше чемоданды қоса алғанда, әртүрлі заттар салынған тіркеме сатып алды. Зардап шеккендер үйлеріне оралғанда, заттарын аша бастады. Чемодандарды ашқаннан кейін олар адам сүйектерін тапты. Қазіргі уақытта оларға психологиялық қолдау көрсетілуде.
«Мен сол отбасы үшін қатты өкінемін, олардың бұған ешқандай қатысы жоқ», - деді жергілікті тұрғын Newshub басылымына.
Окленд полициясы кісі өлтіру ісі бойынша тергеу бастады. Қазіргі уақытта олар марқұмның кім екенін анықтау жұмыстарын жүргізуде.
