Жапония Сыртқы істер министрлігінің мәліметінше, 27 мамырда Жапония үкіметі Украина халқына гуманитарлық көмек көрсету үшін шамамен 166 миллион доллар көлемінде төтенше гранттық көмек көрсету туралы шешім қабылдады.
Атап өтілгендей, 166 миллион доллар өрт сөндіру жабдықтарын, байланыс құралдарын, дәрі-дәрмектерді, медициналық мақсаттағы бұйымдарды және басқа да заттарды Біріккен Ұлттар Ұйымының Жобалық қызметтер басқармасы (UNOPS) арқылы Украинаға жеткізуді қамтамасыз етуге бағытталған.
Жапония осы уақытқа дейін Украина мен көршілес елдерге шұғыл гуманитарлық көмек көрсетті (жалпы сомасы 200 миллион доллар) және Украина экономикасына қаржылық қолдау көрсетуге ниетті екенін білдірді (жалпы сомасы 600 миллион доллар), сондай-ақ денсаулық сақтау саласының экономикалық және әлеуметтік даму бағдарламасы бойынша 300 миллион иен гранттық көмек көрсетті.
