Жапония Денсаулық сақтау министрлігінің сарапшылар тобы алкогольді тұтыну бойынша нұсқаулықтардың жобасын әзірледі. Таза алкогольдің тәуліктік ең көп мөлшері ер адамдар үшін 40 грамм, ал әйелдер үшін 20 грамм.
Мақалада жарты литрлік сыра банкасында (алкоголь мөлшері 5 пайыз), 180 мл сакеде, 60 мл вискиде немесе екі бокал шарапта 20 грамм алкоголь бар екені айтылған.
Құжатта алкогольді тұтынудың жоспарланған мөлшерін алдын ала анықтау, қалыпты тұтыну мөлшерін түсіну маңызды екендігі айтылған. Сондай-ақ, алкогольді тұтынуды азайтудың маңыздылығы атап өтілген, себебі тіпті аз мөлшерде болса да, инсульт, жоғары қан қысымы және қатерлі ісік қаупін арттыруы мүмкін.
Қоғамдық пікірлерді алғаннан кейін, Денсаулық сақтау министрлігі келесі жылдың наурыз айының соңына дейін алкогольді тұтыну бойынша нұсқаулықтарын бекітеді. Бұл нұсқаулықтарда алкогольдің денсаулыққа әсері егжей-тегжейлі сипатталады және қарастырылатын салалар белгіленеді.
Алкогольді кез келген мөлшерде тұтыну денсаулыққа зиян екенін есте ұстаған жөн.
