Еуропалық Одақ Ресей мұнайына эмбарго енгізу туралы келісімге келе алады. Бұл туралы Еуропалық Одақтың сыртқы істер министрі Джозеп Боррелл Германияда өткен G7 сыртқы істер министрлерінің кездесуіне келгеннен кейін мәлімдеді.
Ол ресейлік отынды пайдаланудан дереу бас тартуға қарсы елдердің балама жеткізушіні табуда «объективті қиындықтарға» тап болатынын атап өтті.
Боррелл сонымен қатар Киевке қаржылық қолдаудың артатынын хабарлады.
«Еуропалық Одақ Украинаға әскери көмек ретінде қосымша 500 миллион еуро көлемінде жаңа транш бөлетінін хабарлағым келеді. Бұл 500 миллион еуро ауыр қару-жараққа бөлінеді. Әзірге біз брондалған көліктер, танктер, ауыр артиллерия, оқ-дәрілермен қамтамасыз еттік...» — Хосеп Боррелл, ЕО сыртқы істер және қауіпсіздік саясаты жөніндегі жоғарғы өкілі.
G7 министрлер кездесуіне Украина мен Молдованың сыртқы істер министрлері Дмитрий Кулеба мен Николай Попеску да қатысты.
Ұлыбританияның сыртқы істер министрі Лиз Трасс Еуропаның мақсаты Украинаға әскери қолдау көрсету және Ресейге қарсы жаңа санкциялар арқылы Владимир Путинге қысым жасауды жалғастыру екенін атап өтті.
Наурыз айының басынан бері ЕО Киевке 4 миллиард еуро, ал Ұлыбритания шамамен 3,5 миллиард еуро көмек көрсетті.
