Халықаралық әйелдер күні қарсаңында Еуропалық Одақ Ресей полициясы мен әскери қолбасшыларын өзінің «қара тізіміне» қосты.
Сейсенбі, 7 наурызда Еуропалық Одақ Украинадағы әйелдерге қатысты зорлық-зомбылық үшін ресейлік әскери қызметкерлерге қарсы санкциялар енгізді. Europa Press агенттігінің хабарлауынша, бұл ЕО-ның әйелдерге қатысты жыныстық зорлық-зомбылық істеріне адам құқықтарына қатысты санкцияларды қолданған алғашқы жағдайы.
Еуропалық санкциялар Украина азаматтарына қарсы қуғын-сүргінге жауапты полиция мен әскери қолбасшыларға бағытталғаны атап өтілді. Атап айтқанда, оларға әскери бөлімшелерді басқаруға жауапты төрт басшы кіреді.
Санкциялар тізіміне дивизия командирі Николай Кузнецов пен полковник Рамиль Ибатуллин кіреді, олардың бөлімшелері өткен жылдың наурыз-сәуір айлары аралығында әйелдерге қатысты жыныстық зорлық-зомбылық әрекеттерін жүйелі түрде жасаған.
Санкцияларға қоса берілген мәтінде Ресей басып алған Украина аумақтарындағы жыныстық және гендерлік зорлық-зомбылықтың ауқымы мен ауырлығы жүйелі жоспарлауды көрсететіні атап өтілген.
«Командирлер Украинадағы әскери қызметкерлердің жыныстық зорлық-зомбылығы туралы білген және кейбір жағдайларда оны қолдап, бұйрық берген», - делінген құжатта.
Естеріңізге сала кетейік, құқық қорғау органдарының қызметкерлері ресейлік әскери қызметкерлердің украиндықтарға қатысты жыныстық зорлық-зомбылық көрсетуінің 171 дерегін тергеп жатыр.
