Дүниежүзілік денсаулық сақтау ұйымы маймыл шешегі белгілі бір жағдайларда адамдар үшін жоғары қауіп төндіреді деп санайды. Дегенмен, оның таралуы орташа деңгейде болғандықтан, алаңдауға әлі ерте.
ДДСҰ-ның 31 мамырда жарияланған мәлімдемесіне сәйкес, әлемде бұл аурудың тек 257 расталған жағдайы тіркелген, ал 120 адам маймыл шешегін жұқтырды деп күдіктенеді.
«Егер бұл вирус адам патогені ретінде өзін көрсету мүмкіндігін пайдаланып, жас балалар мен иммунитеті әлсіреген адамдар сияқты ауыр аурудың қаупі жоғары топтарға таралса, қоғамдық денсаулыққа қауіп жоғары болуы мүмкін», - деді ұйым.
Бұл аурудың тек жақын байланыс арқылы жұғатыны, сондықтан оның таралуын өзін-өзі оқшаулау және гигиена арқылы болдырмауға болатыны атап өтілді. Қазіргі уақытта маймыл шешегі әдетте жеңіл ағыммен жүретіні белгілі.
