БҰҰ Бас хатшысы Антониу Гутерриш Ресей мен Беларусьтен келетін калий тыңайтқыштарына салынған санкцияларды жеңілдетуді ұсынды. Ол үшін Мәскеуден Қара теңіз порттары арқылы Украина астығының экспортын бұғаттауды талап етті.
Дереккөздердің хабарлауынша, Гутерриш Украинадан әлемдік нарықтарға астық экспортын қалпына келтіру үшін Ресеймен, Түркиямен және басқа да елдермен келіссөздер жүргізуде. Осылайша, БҰҰ Бас хатшысы жаһандық азық-түлік тапшылығының алдын алуды мақсат етеді.
Газет дереккөздерінің хабарлауынша, Гутерриш Мәскеуден Украина астығының жеткізілуіне рұқсат беруді сұраған. Ал оның орнына БҰҰ Бас хатшысы Ресей мен Беларусьтен калий тыңайтқыштарын экспорттауға салынған санкцияларды жеңілдетуді ұсынған.
БҰҰ-дағы Украина мен Ресей миссиялары түсініктеме беруден бас тартты. АҚШ-тағы Түркия елшілігі де басылымның сұрақтарына жауап беруден бас тартты.
Естеріңізге сала кетейік, бұған дейін БҰҰ-ның Дүниежүзілік азық-түлік бағдарламасы Ресейді қазіргі уақытта Ресей әскери-теңіз күштерімен қоршауда тұрған Украинаның Қара теңіз порттарын ашуға шақырған болатын.
Айта кету керек, толық ауқымды басып кіруден кейін Ресей Украина порттарында шамамен 90 миллион тонна астықты бөгеп тастады.
