Украинаның мемлекеттік шекараны бұзуына байланысты оқиғадан кейін, егер мұндай оқиғалар болашақта орын алса, Беларусь шекарашылары өте қатаң шаралар қолданады. Бұл туралы бүгін, 5 желтоқсанда Мозырь шекара отрядының өкілі Сергей Павлов мәлімдеді.
«Егер шекараны бұзу жалғаса берсе, Беларусь шекарашылары аса қатаң шаралар қолданады», - деп Sputnik Беларусь Telegram-да Павловтың сөзін келтірді.
Естеріңізге сала кетейік, 4 желтоқсанда Беларусь-Украина шекарасындағы Мозырь шекара отрядының «Новая Рудня» бақылау-өткізу бекетінде Беларусь әуе кеңістігін бұзу оқиғасы тіркелді. Беларусь Мемлекеттік шекара комитеті украиналық Ми-8 тікұшағының республиканың мемлекеттік шекарасын бұзып жатқаны туралы кадрларды жариялады. Минск бұл туралы Киевке хабарлады.
Украина Мемлекеттік шекара қызметінің баспасөз хатшысы Андрей Демченко бұған дейін украин ұшқыштарының Беларусь әуе кеңістігін кесіп өткені туралы ақпаратты жоққа шығарған болатын.
