Батыс санкцияларына байланысты «Аэрофлот» өз тарихында алғаш рет Иранға жөндеуге ұшақ жіберді, деп хабарлады РБК дереккөздерге сілтеме жасай отырып.
RA-73700 тіркеу нөмірі бар кең фюзеляжды Airbus A330-300 ұшағы 5 сәуірде техникалық қызмет көрсетуге жіберілді. Иранның ең ірі тасымалдаушысы Mahan Air мамандарының басты міндеті қону шассиіне қызмет көрсету болады.
Бұған дейін «Аэрофлот» компаниясының техникалық директорының кеңесшісі Марат Терещенко Батыс санкцияларының әсері Airbus және Boeing ұшақтарын жөндеу уақытын айтарлықтай кешіктіргенін мәлімдеген болатын. Ол бұрын Airbus A320 қозғалтқыштарын 20 күнде жөндеуге болатын болса, қазір бұл төрт айға созылатынын атап өтті.
