Армения премьер-министрі, Премьер-Министрдің кеңсе басшысы Араик Арутюнян ресейлік БАҚ Арменияға қарсы гибридті соғыс бастағанын мәлімдеді. Ол журналист Георг Хачатурянның үкімет ғимаратына басып кірген армян демонстранттары сол жерде американдық десантшылармен кездескені туралы мәлімдемесіне түсініктеме берді, деп хабарлайды meduza.io.
«Ресейлік БАҚ Арменияға қарсы бастаған гибридті соғыста олар, әйгілі ертегідегідей, кім көп өтірік айтса, сарайдың/Кремльдің жартысын алады деп уәде еткен сияқты», - деп жазды Арутюнян Facebook-те.
Ол бұл мәлімдемені «толықтай дезинформация» деп атады. Ол сол күні үкімет ғимаратына бірде-бір демонстрант кірмегенін, сонымен қатар, онда американдықтар болмағанын айтты.
«Ресейлік телеарналардағы ең ірі насихатшылар армяндар болып шықты: Маргарита Симонян, Тигран Кеосаян, Арам Габрелянов, Семен Багдасаров, Роман Бабаян, Сергей Кургинян, Андраник Мигранян және басқалар?» - деп қосты Армения үкіметінің өкілі.
Бұған дейін Ресей президентінің әкімшілігі мемлекеттік және Кремльге адал БАҚ-қа Таулы Қарабақ қақтығысының жаңа кезеңін қалай жариялау керектігі туралы ұсыныстары бар нұсқаулық жіберген болатын. Құжатта шиеленістің ушығуына Армения мен Батыс елдерін кінәлау және «Армения басшылығы Әзербайжанның Қарабақтағы егемендігін мойындағанын» баса айтқан.
