Армения премьер-министрі Никол Пашинян ҰҚШҰ-ны 2020 жылы Таулы Қарабахта Әзірбайжанмен қақтығыс кезінде әрекетсіздігі үшін сынға алды. Сын ҰҚШҰ Ұжымдық қауіпсіздік кеңесінің ашық отырысында айтылды.
Пашинянның айтуынша, Әзірбайжанның Таулы Қарабаққа шабуылы басталғаннан кейін Армения қол қойылған келісімдерге сәйкес ҰҚШҰ бойынша серіктестерінен көмек сұраған, бірақ ешқандай жауап болмаған.
Ұйым мүшелері Арменияның Әзірбайжанға қару сатпау туралы өтінішін де елемеді, «және сайып келгенде, бұл қарулар Армения мен армян халқына қарсы қолданылды», - деді Пашинян.
2020 жылдың күзінде Армения мен Әзірбайжан арасындағы қарулы қақтығыс Таулы Қарабақта күшейе түсті. 27 қыркүйектен 10 қарашаға дейін 1994 жылдан бергі ең ірі шайқас болды, Әзірбайжан дрондарды кеңінен пайдаланды.
10 қараша түні соғыс Кремльдің делдалдығымен Баку мен Ереван арасында келісімге қол қоюмен аяқталды. Армения Агдам, Келбаджар, Лачын және Газах аудандарының бір бөлігін Әзірбайжанға берді. Ереван бұл келісімді «үлкен трагедия» деп атаса, Баку оны Арменияның капитуляциясы деп атады.
Содан бері Әзірбайжан мен Армения шекарасында жергілікті қақтығыстар мен атыс-шабыс ара-тұра жалғасып келеді.
