Армения Үндістанға үнді тауарларының Ресей мен Еуропаға ағынын жеделдету үшін Қара теңіз арқылы сауда дәлізін құруды ұсынды. Бұл жоспар Ресейге Суэц каналын айналып өтетін жаңа сауда жолын қамтамасыз етеді, деп хабарлайды The Economic Times.
Жаңа көлік дәлізі Солтүстік-Оңтүстік көлік дәлізіне параллель өтеді. Ол Мумбайды Иран мен Армения арқылы Еуропамен байланыстырады, Үндістанның Түркия және Пәкістанмен ынтымақтастығына байланысты қарым-қатынасы нашар Әзірбайжанды айналып өтеді.
2023 жылдың 4 ақпанында Үндістан Ресей Федерациясына қарсы Батыс санкцияларына қосылмайтынын мәлімдеді, бірақ банктер мен қаржы институттары төлемдерге сақтықпен қарайды. Үндістан Ресей мұнайы үшін АҚШ долларымен емес, БАӘ валютасымен төлейді.
2023 жылдың наурыз айында Үндістанның валюталық ережелері елден тыс жерлерде есеп айырысуды шектегені белгілі болды. Үндістандық реттеуші орган ресейлік мұнай үшін төлемдерді рупиямен алған ресейлік компаниялардың оларды Мәскеу биржасында сатуына немесе рубльге айырбастауына тыйым салды.
