27 шілдеде Алтай Республикасының Усть-Коксин ауданында туристерді тасымалдаған Ми-8 тікұшағы апатқа ұшырады. Бортта 16 адам, оның ішінде үш экипаж мүшесі болған. Бұл бейнежазбада біз болған оқиғаны қысқаша баяндаймыз.
Куәгерлер тікұшақтың қонуын және өрттің шыққанын түсіріп алды. Тікұшақ электр желісіне соғылғаннан кейін өртеніп кетті.
Ресей Төтенше жағдайлар министрлігінің Алтай Республикасы бойынша бас басқармасының мәліметі бойынша, төрт адам қаза тауып, 10 адам жарақат алған. Тікұшақты AltayAvia басқарған. Туристер Белуха тауына экскурсиядан қайтып келе жатқан.
